26.03.2026 13:57:00
Дата публикации
Қазақстан Республикасының Конституциялық Соты «Байланыс туралы» Заңның (2004 жылғы 5 шілде) 41‑1-бабының 1–2-тармақтарының конституциялылығын интернетті өшіруге қарсы іс бойынша ертең, 2026 жылғы 27 ақпанда сағат 10:00‑де қарайды. Біз тиісті хабарламаны бұған дейін алғанбыз.
Кампанияның мақсаты — «Байланыс туралы» Заңдағы құқық қорғау органдарына байланыс желілерін және интернетке қол жеткізуді тоқтатуға мүмкіндік беретін нормаларды Қазақстан Конституциясының 20-бабының 1–2-тармақтарымен кепілдендірілген құқықтарды (сөз бостандығы, заңмен тыйым салынбаған тәсілмен ақпаратты еркін алу және тарату құқығы) жүзеге асыруға кедергі келтіреді деп тану.
Бұған дейін біз халықаралық құқық қорғау ұйымдарының Конституциялық Сотқа жіберілген сараптамалық қорытындыларын (Amicus Curiae) тапсырдық. Онда атап өтілген:
«Халықаралық құқық мемлекеттік органдардың интернетке қол жеткізуді өшіру шешімдері Азаматтық және саяси құқықтар туралы халықаралық пактпен кепілдік берілген көптеген құқықтарға әсер ететінін мойындайды. Олардың ішінде хат алмасу құпиясы, ой, ар‑ождан және дін бостандығы, пікір және оны білдіру еркіндігі, ақпаратты іздеу және алу еркіндігі, бейбіт жиналыстар мен бірлестіктер бостандығы бар (Пакттің 17–19, 21–22-баптары).»
